Наманганнинг гастрономик туризм имкониятлари – россиялик тележурналистлар нигоҳида

• 14.Апреля.2022
• 863

Россиядаги «НТВ» телеканалининг «Поедем, поедим!» дастури ижодкорларининг Фарғона водийсига хизмат сафари Наманган шаҳридан бошланди.

Бу ерда гастрономик туризм имкониятлари, хусусан, таъми оғизда қолувчи миллий таомлар меҳмонларни ҳайратга солди. Улар тасвирга олиш маскани сифатида танланган «Афсоналар водийси» кўнгилочар боғи манзаралари, қўли гул ошпазлар томонидан турли егуликларнинг моҳирона тайёрланиши жараёнларини зўр иштиёқ билан суратга тушиларди.

— Наманганнинг олмаси, гуллари ҳақида эшитгандик, шаҳарда пазандачиликни ҳам ўрнига қўйишар экан, — дейди дастур бошловчиси Арналди Федерико. — Айниқса, тандир маҳсулотлари бизга жуда-жуда ёқиб тушди. Тасвирга олиш жараёнида 20 дан ортиқ турдаги сомсани тайёрлашни ўз кўзим билан кўриб, сомсапазлар маҳоратига қойил қолдим.

Қудратилла НАЖМИДДИНОВ, «Халқ сўзи».