ҲАМЮРТИМИЗ ЖАҲОН ЧЕМПИОНАТИДА СОВРИНДОР БЎЛДИ

• 15.Декабря.2021
• 1013

Пойтахтимизда оғир атлетика бўйича ўтказилаётган катталар ўртасидаги жаҳон чемпионатида Наманган спорти тарбияланувчиси, ўсмирлар ўртасидаги Олимпия ўйинлари совриндори Адҳамжон Эргашев муваффақиятли иштирок этди.
Янгиқўрғонлик моҳир атлетимиз 67 кг. вазн тоифасида супачага чиқди. Даст кўтаришда омади чопмаган Адҳамжон Эргашев силтаб кўтаришда ишончни оқлади. Ҳамюртимиз иккинчи уринишда 174 кг. тошни ўзига бўйсундирди, аммо охирги чиқишда 177 кг. штанга унга бирозгина оғирлик қилди. 
Шундай бўлса-да, Адҳамжон силтаб кўтариш машқида шоҳсупага кўтарилиб (икки курашда 308 кг. тош билан), терма жамоамиз ғазнасига бронза медални тақдим этди. Икки курашда эса иқтидорли спортчимиз кучли олтиликдан жой олди.

Оқилхон ДАДАБОЕВ.