Аҳолига сифатли ва арзон қўй гўшти етказиб берилади

• 02.Декабря.2024
• 735

Вилоят ҳокими Шавкат Абдураззоқов Янги Наманган туманидаги Фурқат маҳалласида бўлди ва тадбиркор Абдулло Ўринжонов ташкиллаган қўйчилик кооперацияси билан танишди.

Ушбу кооперациянинг лойиҳа қиймати 500 минг АҚШ доллари бўлиб, асосан гўшт маҳсулотлари ишлаб чиқариш ва наслчиликни ривожлантириш режалаштирилган.

Айни пайтда кооперация таркибидаги махсус наслчиликни ривожлантириш майдонида 200 бошдан ортиқ зотдор қўй парвариш қилиниб, кўпайтирилмоқда.

Лойиҳа тўлиқ ишга тушиши ҳисобига йилига 20 тонна гўшт қайта ишланади ва бу орқали 100 нафар аҳоли иш билан таъминланади.

Янги Наманган тумани ҳокимлиги ахборот хизмати.