Бу йил Наманган Давлат университети сиртқи бўлимини қанча талаба битиради?

• 04.Июня.2023
• 1050

Айни пайтда битирувчи талабаларнинг ҳаяжонлари чексиз. Чунки шу кунларда уларнинг йиллар давомида олган билимлари синовдан ўтмоқда.

Жорий йилнинг 1-3 июнь кунлари Наманган Давлат университетининг сиртқи таълим шакли битирувчи курс талабалари учун мутахассислик фанидан якуний давлат аттестацияси синовлари бўлиб ўтди. 

- 2022-2023 ўқув йилида университетимизнинг сиртқи таълим йўналишларини 996 та талаба битирмоқда, - дейди бўлим бошлиғи, география фанлари номзоди, доцент Элмурод Солиев. -  Якуний давлат аттестацияси тасдиқланган график асосида ДАК аъзолари иштирокида одилона ва шаффоф тарзда ташкил этилди. 

Бу борада муваффақиятли натижани қайд этган битирувчиларнинг келгусида ҳам катта ютуқларни қўлга киритишларига ишонамиз.